مارأيك اعطي ابني سيارة او جوالا؟؟؟؟؟؟؟
أحد الإخوان طرح سؤالاً في أحد منتديات الإنترنت
ما رأيـك ؟؟ هل اعطي ابني جوالاً و سيارة ؟؟؟ && مرحبا أخوي ====== أسمح لي بالكلام على راحتي و بالعامية بصراحة عندك الأيام هذي جيل !!! ما تدري و شلون تتعامل معاه إن عطيته خفت عليه و إن منعته تخاف عليه أكثر لكن مسألة الأب صارم وعيونه حمرا و أن الولد يرضى بالغصب الأيام هذي ما تنفع اللي ينفع طال عمرك أنك تخاويه و تخليه يحس أنك قريب منه في كل الأوقات المراهق في الأيام هذي يحتاج إلى شخص يستمع له يغدق عليه بالعطف و الحنان فهل يوجد أفضل من الأب أو الأخ الأكبر لتوفير ذلك ؟؟ أم نجعلهم فريسة سهله لذئاب الشوراع الجائعة بالنسبة للسيارة ما أقدر أنصحك بشيء ، لأني ما أعرف و ضع الأبن و من هم أصدقائه وما هي توجهاتهم و هل من أصدقائه من يهوى التفحيط اللذي أنتشر هذه الأيام بشكل يصعب السيطرة عليه. أما بالنسبة للجوال لا تأخذ له رقم أو شريحة سوى " نهائياً " خذ له فاتورة و حد إئتماني 300 ريال و هذي بتصيد فيها عصفورين بحجر واحد : العصفور الأول : إطلاعك على فواتير مكالماته و معرفة أهم المكالمات و معرفة أصحابها. العصفور الثاني : بطاقة إعادة الشحن من الوسائل التي يستخدها ذئاب الشوارع في إصطياد المراهقين على سبيل التقرب و الهدايا " أشحن لك يا سنايدي و القير عايدي " في البداية حاول إستغلال فرصة لمكافأة اللإبن بالجوال كهدية ، مثلاً تفوق دراسي .. وفر له أحدث جوال حتى لا يحس بالنقص بين أقرانه " هذي مهمة جداً " فيها عصفورين بحجر واحد " على فكرة العصافير جاها إنفلونزا طيور و إلا باقي " الله يستر كثرنا عصافير " العصفور الأول : إحساسه بالفخر فيك لأنك وفرت له شيء ثمين يفاخر فيه بين أقرانه. " أبوي أهداه لي " العصفور الثاني : تمنع من يحاول إستغلال عقدة النقص لديه من قبل ذئاب الشوارع .. تتعامل معه من البداية بدون رسميات يعني تخلي الوضع بينك و بينه " فري" مثلاً تبدأ ترسل له مقاطع مضحكة و صور ساخرة و مقاطع صوت توعوية و تخليه يوريك اللي عنده و حاول في البداية أنك ما تطلب منه الجوال لا خله هو يرسل على كيفه وحاول أنك ترسل له مقاطع فيها عضة و عبرة مثل مقاطع حوادث تفحيط حتى يعي خطورة هذا الأمر و بعد فترة تطلب منه بشكل مفاجيء تقول له " هاه وش عندك جديد خلني أشوف " و خذ الجوال منه و إسأله كذا على سبيل المزح " عسى ما فيه شيء كذا و إلا كذا " مع ضحكة صفراء و غمزة عين و دور بس إذا لقيت شيء " لا تعصب أو تضربه أنتبه " سوي نفسك ما شفت شيء بكل بساطة إحذفها من جواله و خلاص يا دار ما دخلك شر و إذا لقيت شيء مرة ثانية حاول إنك تعاتبه بأسلوب لبق بكلمات مثل : أفا يا أبو حميد " إذا كان إسمه محمد أو أحمد " أفا يا أبو عابد " إذا كان أسمه عبدالله أو عبدالرحمن " " أنت كذا زعلتني ما توقعتك تنزل نفسك للمستوى هذا ، كنت أتوقع أنك أرقى من كذا " صدقني من المرة الإولى اللي ما كلمته فيها راح يحس بخجل و ما راح يقدر يرفع راسه في عينك من الحياء و راح يحس بالغلط اللي سواه و يحاول أنه يرضيك حتى ما يخسرك و يخسر مخاواتك له لأن المراهق في هذه الأيام يحس بأن المجتمع كله ضده و بخاصة والده و من هم في سن والده و الأشياء هذه أنتشرت إنتشار النار في الهشيم و أصبحت شيء عادي عند الكثير من الكبار فما بالك بالصغار و اللي أطلبه منك بأختصار أنك " تحط نفسك في مكانه و في عمره الحالي " و تسأل نفسك كيف تريد من والدك أن يتعامل معك ؟ منقول لروعته,,,,,,,,, http://www.m5zn.com/uploads/eb409524f5.gif |
مشكوووره خيتو
|
الساعة الآن 08:23 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir